Журналистерді облыс соттары қызметінің өткен жылғы қорытындыларымен таныстырды. Барлығы 53 мыңнан астам іс қаралды, бұл арғы жылмен салыстырғанда 1 231 іске көп.

 «Арғы жылмен салыстырғанда, бас бостандығынан айыру жазасына кесілген тұлғалар саны 39,5 пайызға төмендеді. Егер 2010 жылы бас бостандығынан 910 адам айырылса, өткен жылы олардың саны 547 адам болған», - деп атап өтті облыстық соттың төрағасы Әуезнұр Қаженов.

 БАҚ өкілдері болып өткен мәслихаттарға кезектен тыс сайлау және дайындалып жатқан лаңкестік актілері туралы көрінеу жалған хабарламалармен байланысты істерге үлкен қызығушылық танытты.

 Журналистерді күшіне енген «Қазақстан Республикасы тәуелсіздігінің жиырма жылдығына байланысты рақымшылық» Заңымен, Республиканың Жоғарғы Сотының нормативтік қаулыларына енгізілген өзгертулер және толықтырулармен таныстырды.